سما المصري تهاجم شيرين عبد الوهاب: روحي لبنان و"هنكسر وراكي زير"

اشترك في قناتنا على يوتيوب
Loading the player...




  • سما المصري تهاجم شيرين عبد الوهاب: روحي لبنان وهنكسر وراكي زير سما المصري تهاجم شيرين عبد الوهاب: روحي لبنان و"هنكسر وراكي زير"
  • سما المصري تهاجم شيرين عبد الوهاب: روحي لبنان وهنكسر وراكي زير سما المصري تهاجم شيرين عبد الوهاب: روحي لبنان و"هنكسر وراكي زير"
نواعم سهيلة سيد    Nov 14, 2017
Follow Me on Pinterest

هاجمت الفنّانة الاستعراضية سما المصري، الفنّانة شيرين عبد الوهاب، على خلفية إساءتها لمصر في حفلها بالشارقة عندما طالبتها إحدى الفتيات بغناء "ماشربتش من نيلها" فقالت شيرين: "هتجيبلك بلهارسيا.. اشربي افيان".

قالت سما المصري: "إن كنتوا نسيتوا اللي جرى... الله يرحم أيام الكحرتة... الأخت الفنّانة شيرين في واحدة في حفلة طلبت منها اغنية (ماشربتش من نيلها  فردت عليها وقالت لها: (هيجيلك بهارسيا) اشربي مياه (ايفيان احسن) وده نوع مياه معدنية اجنبي والكلام ده موجود في فيديو مش من عندي".

ونشرت صورة عبر حسابها الشخصي على "انستغرام"، لشيرين عبد الهاب وهي صغيرة وشيرين الآن، وعلّقت: "دي صورة الاخت الفنانه شيرين ايام ماكان عندها بلهارسيا ايام ماكانت بتشرب من مية النيل قبل ماتتعلم انجليزي وتعرف تقول اسم المية المعدنية بالانجليزي.. اللهم يرحم كنتي زمان فاكره الليبتون ده رئيس امريكا وكنتي فاكره الكريسماس دي ايس كريم انتي اللي قلتيلي كده فاكره؟".

وأضافت: "بصي انا مش هقولك مصر اللي عملتك ولا مصر اللي نضفتك زي ناس كتير ماهتقولك كده لا سمح الله لا انا هقولك مية البلهارسيا دي بتاعةمصر... عارفه يعني ايه مصر ولا مش عارفة؟ هي الميه دي اللي خلتك شيرين والعيب مش عليكي العيب ع اللي لسه بيقول عليكي فنانة ونجمة وانتي طايحه في خلق الله مرة عمرو دياب ومره شريف مدكور وصوتي لعساف ضد احمد جمال ابن بلدك...بصي يابنتي انا عارفه انك بتحبي لبنان عشان ماعندهمش بلهارسيا زينا ريحينا منك ومن طولة لسانك على الناس وعلى مصر اللي بقى يقل ادبه حتى على مصر اللي ربتك انتي وعيلتك كلها وروحي عيشي في لبنان والله هنكسر وراكي زير".

واستكملت: "بلد البلهارسيا ماتنفعش تعيش فيها واحدة زيك بتاعة مية معدنية وفساتين براندات وبارفانات وحاجات سيبي ده للغلابة.......فاكره مطعم الهابي دولفين في المنيل اللي نصر محروس اخدك منه وانتي بتغني هناك بالشبشب ابو وردة؟ لسه موجود المطعم ويشهد انك كنتي مش لاقيه حتي تشربي ميه البلهارسيا لا انتي عارفه كنتي بتشربي ميه ايه....ايوه هي الميه الصفرا دي هي دي اللي كنتي بتشربيها اللي كلها املاح دي... دي فعلا اللي تليق ليكي.. ياتروحي لبنان ... ياترجعي تشربي الميه الصفراء المملحة .... ياتعتذري لمصر... مصر اللي عملت منك فنانه وتعتذري للمصريين كلهم....ملعون ابو الشهره ياشيخه اللي نستك اصلك واهلك وبلدك....يلعن ابو الاحداث.. دا انتي مفيش دم ولا احساس ولا اي حاجة".

وأضافت: "مصر بتمسي عليكي بصورتك القديمة دي وبتقولك اوعي تنسي نفسك لانك لو نسيتي المصريين مابينسوش يابتاعة الميه المعدنية.. سبحان العاطي الوهاب بعد الشبشب والقبقاب يابنت عبد الوهاب غوري بقى لو مش عاجبك البلهارسيا عشان انتي ماتستحقيش تقعدي ف مصر... طبعا الحبّيبة هيقولوا لي بصي للبسك الاول... ايوه ايوه بالبس كل حاجه وحشه في نظركم بس لا اهين بلدي واللي يهين بلدي اقطع له لسانه حتي لو اه ياليل... ليل اسود ياشيخه عليكي لما تتريقي على بلدك... اخس ع الفلوس اللي بتغير النفوس".

جدير بالذكر أنّ نقابة الموسيقيين أصدرت منذ قليل قراراً بإيقاف شيرين عبدالوهاب عن الغناء لحين المثول للتحقيق معها.

كلمات مفتاحية:
متفرقات مصورة،

إضافة التعليقات