شعر غزل خليجي

شعر غزل خليجي

Aliaa by 8 Years Ago

الشعر الخليجي هو الشعر باللهجة الخليجية ويتميز بالرقة في المعاني والروعة في الألفاظ وجزالة التراكيب اللغوية، واخترنا هنا مجموعة أبيات متميزة في شعر الغزل الخليجي لعلها تعجبكم.

المحتويات:

 

شعر غزل خليجي لمساعد الشمراني:
حبيت أسلم عليك وآخذ اخبـــــــــارك
واعلمك اني باقي حافظ اســـــــرارك

لا قلت بكره بتمطر شاحت امطـــارك
غيري سكن جنتك واسكنتني نــــارك

ويش اسوي بقلبٍ ساكنــــــــن دارك
خيرتني نفسي ما بين الناس واختارك

واذكرك بالغرام اللي تناسيتــــــــــــه
حفرت لـــه داخــل عيوني وخبـيتـــه

ذاب غصن المحبة وانت ما رويتــــه
حتى اللي مايستوي وياك سويتــــــه

جاك بيتك وعاف قلوب في بيتــــــــه
لا قلت يا قلبي ابعــد قـــال حبيتــــــه

 

شعر غزل خليجي لعلي مساعد:
ودك تنامين؟! نامي يا بعد عيني
                   باين عليك التعب من أمس سهرانه
من ليلة البارحة.. وأنت اتداريني
                   شوفي المراية اعيونك حيل تعبانه
نامي لك شوي لو ساعة وخليني
                   يا بنت عمر السهر ما يغمض اجفانه
ولاني بطاير من ايدك.. هذي ايديني
                   ما دام فكري معاك اختل ميزانه
لو ترخي الشال لعيوني وتنخيني
                   اجيك فزعة اخو ذباح لاخوانه
صومي عن الناس سمي وافطري فيني
                   يفداك قلب تربى بطيب جدانه
انا ظلالك ما دام الله معافيني
                   الله عطاك الغلا المعبود سبحانه
انا ادري انك نسفتيني.. وتلفتيني
                   مهما خسرتي معايه دوم ربحانه
نامي وباكر بكيفك.. طلعي عيني
                   القلب شرع لهمك كل بيبانه
واذا غفيتي امانة حيل غطيني
                   برموشك اللي من الأشواق رويانه

 

شعر غزل خليجي لفزاع:

روح وروح ابعد بدنياك
يا متعب قلبي بصــدك
الدرب لي ضحك بكـاك
موت تكوى بنار حقـدك



كم في العذارا ناس شرواك
بحر الجــمال يفوق مدك
اليوم الي بيصـــير وياك
باكر معاك الايــام ضدك



تذكر زمان كــنت اهواك
انت الوحيد ومـــين قدك
ودك ادور غير لقيــــاك
ودك ادور غــــير ودك



انا نســيتك قبل لانساك ...
وحتى خـفوقي اليوم هدك
وبكل صــراحة واتحداك
اوقف مكـانك عند حدك



لقياك اصــبح مثل فرقاك
والبـــحر مده غير مدك
والـدرب لي ضحك بكاك
موت وتكوى بنار حقـدك

 

مراجع:

https://www.youtube.com/watch?v=UhwaQsUKWas

 

إضافة التعليقات

.