طلال الرشيد هو طلال بن عبد العزيز بن سعود بن عبد العزيز الرشيد، ومن ألقابه الملتاع وهو شاعر سعودي وُلد في العراق واغتاله الإرهابيون عام 2003 في الجزائر، وله الكثير من الأشعار الرائعة واخترنا لكم هنا بعض من شعر طلال الرشيد المتميز.
المحتويات:
قالت قدر:
قالت قدر وأقول يومك تبيني
غصبن على الدنيا يدك في يديني
لا تظلمين الوقت وش ذنب الأيام
لا تظلمين الحظ لا تظلميني
غديت مابين ارجا فيك واليأس
هذا يبي مني وهذا يبيني
إن قلت شمت وخاطري طاب كذاب
وان قالت أبيك ارخصت نفسي بعيني
خيرني أمري بين أصعب خيارين
موتي أنا أو موت الحساس فيني
لكن زماني المر علمني أني
أموت محني لجل قلبي جبيني
والله ما تلقين حبي مع الناس
روحي وها لأيام بينك وبيني
العواذل:
حبيبتي كل العواذل تشابه
قلبٍ ظلام ووجه يشبه للأصحاب
ولا ما غدى لك صاحبٍ ينحكى به
لا تسمعي ان كان لك قلب وأحباب
إلى مشيت الدرب يلهث سرابه
وإلى سكنت الدار ناداني الباب
وشلون أنام وهم قلبي صوابه
والشوك ينبت بين جفنين وأهداب
تعبت امني .. الأسئلة بالإجابة
وانطر شروق الشمس والشمس بغياب
وتعبت أناظر والمعنى عذابه
أنك بعيده والملا دونك حجاب
اجمع كلام وما أعرف الإجابة
وعندي شعور صدق والوقت كذاب
كل النجوم اللي امطرت من سحابه
حبيبتي دمعك جرح قلب واتراب
واللي وقف ما بين بابي وبابه
قلبٍ ظلام .. ولابس ثوب الأصحاب
باقي الخلق في كف:
انتي بكف وباقي الخلق في كف
متعليه في وسط قلبي ولك شان
في غير وصلك مالقلبي ترى شف
محتاج لك يانور عيني وشفقان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزين عنوان
اريد انا قربك ترى ياغذا الحرف
وان ماحصل موتي ودنياي سيان
مراجع:
https://www.youtube.com/watch?v=JNrAx8lpbNg
https://www.youtube.com/watch?v=LoBy31QnA7E