انتشرت بعض التصريحات غير اللائقة المنسوبة للفنّانة كندة علّوش عن زوجها السابق السيناريست فارس الذهبي.

ونفت علّوش عبر حسابها على «تويتر» تلك التصريحات قائلة: «ماقلتش... والله ماقلتش الكلام ده، ولا في أي حتة. يا ريت ما تنشروا كلام مش متأكّدين منو... وشكراً».

وكانت ناشطة على «فيسبوك» شاركت منشوراً قالت فيه: «كندة علوش قالت على زوجها الأولاني هو مكانش ماسك فيَّا من أصلُه عشان يسيب، أنا اللي كنت دايماً ماسكة، عملت كل اللي أقدر عليه عشان أحافظ على علاقتنا، كنت بتنازل كتير ومفكرة إن اللي بعمله صح، تغاضيت عن عيوبه ومكانتش بتفرق معايا، كنت بخلقله مميزات عشان أشوفها فيه وأرضي بيه».

واستكملت الناشطة في تصريحاتها المنسوبة لكندة: «لما كانت واحدة من صحباتي تقولي كلهم زي بعض ومفيش حد يستأهلك مكنتش بصدق رغم إنهم ف النهاية طلعوا صح... بس تعرفي كل ده مش نقص فيا أو ضعف وقلة حيلة ولا حتى هبل قد ما هو حب وعشم كبير هو كشخص ناقص مقدرش يفهمه. بس ف الآخر وبعد استنزاف كل المحاولات عشان أفضل ماسكة ومتمسكة بإحساسي ليه وبأمنيتي أتجوزه اللي متمنيتش حاجة ف الدنيا قدها... قرّرت فجأة أسيبه... تعبت... تعبت واستسلمت... ولما رجع ندمان وقرّر يبوس رجلي حتى لو قدام الخلق عشان أرجعله... قلتله أبعد يا شاطر مبعرفش عيال، أصله سقط من نظري».

وأضافت: «عمرو بقى عوضني عن كل أرف وتعب شوفته في حياتي ربنا بعته ليا في وقت كنت بموت فيه حرفيا... عمرو بالنسبة ليا مش حبيبي وزوجي وبس عمرو بالنسبة ليا روحين في روح واحدة».

يذكر أنّ كندة علوش تزوّجت في بداية حياتها الفنّية من الكاتب والسيناريست فارس الذهبي، وانفصلت عنه في أبريل (نيسان) 2016 بعد زواج دام 8 سنوات، وفي نوفمبر (تشرين الثاني) 2016، تزوجت من الفنّان عمرو يوسف.