أعلن مطرب المهرجانات أورتيجا انفصاله عن أوكا بعد 10 سنوات من التعاون.

وعبر حسابه الشخصي على «انستقرام»، نشر أورتيجا مقطع فيديو ظهر فيه ليُوَضِّح الأمر الذي انتشر بانفصال الثنائي، وأسباب الخِلافات التي دفعتهما لاتّخاذ هذا القرار.

أكّد أورتيجا أنّ هذا الأمر غير صحيح، «نعم انفصلنا لكن لا يوجد أيّ خلاف»، متمنياً له التوفيق.

قال: «بخصوص (أوكا وأورتيجا) علشان كل الناس اللي بتقعد تبعت أنتوا ليه مبقتوش مع بعض أنتوا متخانقين، طبعا مفيش أي حاجة من الكلام ده مش عارف أرد أقولكم إيه كل واحد بيسمع حاجة من برا بيجي يقولها، أنا هوضحلكم الصورة لجمهور أوكا وأورتيجا».

تابع: «أوكا أخويا وعِشرة حياتي وصديق كفاح وشفنا كل حاجة حلوة ووحشة مع بعض فمش هنيجي على آخر الزمن بعد ما نكبر، ونتخانق ونمسك في بعض زي ما الناس بتقول، خالص يا جماعة إحنا كل القصة إن أوكا بقى لوحده وأورتيجا بقى لوحده وأنا بتمناله كل التوفيق في حياته وفي شغله ويبقى أحسن حد في الدنيا وبتمنى لنفسي أنا كمان ربنا يرزقنا احنا الاتنين ويوفقنا».

وأضاف: «ودايما أوكا وأورتيجا اسمهم مرتبط ببعض مش علشان شغل علشان إحنا من قبل الشغل في حاجات كتير أوي مع بعض، بتمناله وبتمنالي التوفيق ورنا يرزقنا إحنا الاتنين، ويا ريت يكون الخبر ميزعلش حد، هو الموضوع باين بس أنتوا بتقولوا كلام غلط».