بشكل مفاجىء وجه الفنان أحمد العوضي، رسالة لزوجته النجمة ياسمين عبد العزيز، كشف فيها عن مرضها وتواجدها في غرفة العمليات لإجراء عملية جراحية دون الكشف عن طبيعة ما حدث لها. الأمر الذي أثار جدلا واسعا ليتسائل البعض عنها، ورد شقيقها الفنان وائل عبد العزيز، عبر حسابه الشخصي على فيسبوك كاتبا بشكل غير مطمئن: "كل اللي أقدر أقوله دلوقتي إدعوا لياسمين حالتها خطرة". توالت التعليقات متمنين من الله الشفاء العاجل لها. وكان العوضي، قد كتب عبر صفحته الرسمية بموقع "فيسبوك": "يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض عشان أنا روحي مش معايا.. أنا ضعيف جدا من غيرك أنتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس أنتي هتقومي إن شاء الله بإذن الله عشان أنتي وعداني وعد وهتتفذيه". وتابع: "أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما أنتي بتشوفيني، أنا دلوقتي ضعيف ضعيف جدا.. لحد ما تقوميلي تاني عشان زي ما أنتي بتاخدي قوتك مني أنا كمان باخد قوتي منك". واختتم: "قومي عشان أنا بحبك.. بحبك أكتر بكتير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتى من الموقف اللي إحنا فيه دلوقتي.. أنا بحبك.. ادعولها تقوم بالسلامة زي ما أنتوا دايما بتدعولها بالنجاح والتوفيق.. هي دلوقتي محتاجة دعواتكم". وكان العوضي، طلب من الجمهور مساء اليوم السبت، الدعاء لزوجته النجمة ياسمين عبد العزيز، وكتب عبر "فيسبوك": "الرجاء الدعاء بظهر الغيب لزوجتي وحبيبتي ياسمين.. هي في العمليات ومحتاجة دعواتكم.. اللهم إنك أنت الشافي المعافي بقدرتك على كل شيء.. اللهم ارفع عنها البلاء والوباء واشفيها وعافيها".