تحدثت الفنانة نهال عنبر، عن علاقتها بنجلها المخرج حسام الحسيني، والطريقة التي ربته بها، لافتة إلى إنها كانت حريصة على زواجه، وهو في سن صغير، في عُمر الـ 22 عاماً.

وخلال لقائها ببرنامج «واحد من الناس» الذي يذاع على شاشة «الحياة» ويقدمه الإعلامي عمرو الليثي، قالت نهال عنبر: «زوجت حسام علشان أفرح به وبأولاده، لأن حسام هو ابني الوحيد».

وتابعت: «أهلى اعترضوا على زواجه وهو في سن صغير، ولكن أصريت على ذلك، وشخصياً أنا تزوجت وعمري 18 عام، ما جعل علاقتي بابني مزيجاً من الأمومة والصداقة، لأن الفرق بينى وبينه مش كبير، وأنا كنت الأب والأم لحسام لأن والده كان على طول يسافر لظروف عمله، وأنا كنت حنينة جداً وشديدة في نفس الوقت لكن مش قاسية».

وتابعت: "خاصمت ابني حسام 60 يوما بسبب رده على في الكلام، كان عاوز يروح ديسكو، وهو في سن شباب، وأنا كنت بخاف من الحاجات دى فقلت له مش هتروح ولو عاوز تروح هروح معاك، فقال لى إزاى أنا كبرت، قولت له مش هتروح فقال لى حرام عليكى بقى، فشاهدنى وأنا بوطى أمسك «سبت الزبالة علشان أحدفه فجرى منى، فقلت له أمامك شهرين لا أنا أمك ولا تعرفني.