رد الفنان تامر حسني، على الرسالة الغامضة التي كتبتها طليقته بسمة بوسيل لهالة عمر منسقة أعمال تامر حسني، والتي احتفل بحفل زفافها منذ أيام قليلة.
ونشر تامر حسني صورة تجمعه بهالة عمر وزوجها عمرو، من حفل الزفاف، وكتب: "لكل اللي بيسأل عن ايه وجه القرابة بيني وبين العروسة الجميلة دي شايف أسئلة كتير أنا هحكيلكوا هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الانترنت ومن كتر دفاعها عني لفتت نظري ومرة رديت عليها شكرتها ولما سافرت اسكندرةية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جدًا في بداياتي".
وتابع: "فاتصدمت أن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة وقتها كانت السوشيال ميديا لسة بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم أنا مش عايز شركه كبيره انا عايز البنت الصغيرة دي هي اللي تمسكها فضلوا يقنعوني أن كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق أن طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا".
وأردف: "ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله في سنة واحدةرحمهم الله ياريت نفتكرهم ونهديلهم ثواب الدعاء والفاتحة ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".
كانت بسمة بوسيل، قد نشرت عبر "ستوري" صفحتها الشخصية على موقع انستغرام، مقطع فيديو من الفرح وعلقت قائلة: «حسبي الله ونعمة الوكيل فيكي يا هالة».
وفي ستوري آخر كتبت قائلة: «احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك».
الأمر الذي أثار فضول الجميع هل قصدت بسمة بوسيل، زوجها تامر حسني، وأن هالة كانت سبب في خراب البيت أم أن شخصاً آخر كان في حفل الزفاف؟
وفي وقت سابق، أعلنت بسمة بوسيل انفصالها عن الفنان تامر حسني بعد 12 سنة من الزواج، مشيرة إلى أنها تكن له كل الاحترام والتقدير والمحبة وأن الطلاق شيء وارد بين أي شخصين.
وكتب تامر حسني عبر حسابه الرسمي بموقع انستغرام، من خلال خاصية "ستوري"، يؤكد الانفصال، كاتباً: "وجعلنا بينكم مودة ورحمة بين الأزواج في كل حالاتهم سواء تزوجوا أو لم يقدر الله الاستمرار فانفصلوا بالاتفاق الطيب".
وأضاف: "سيظل بيننا الاحترام والتقدير، 12 عام من الزواج مش هينة، ربنا يكتبلك كل الخير يابسوم، سأظل الأب والأخ والصديق والسند، في حفظ الله".