تحدثت الفنانة مايا دياب عن سبب دفاعها القوي عن صديقتها الفنانة دينا الشربيني، بعد الشائعات التي ربطت اسم الأخيرة بقضية طلاق كريم محمود عبد العزيز من زوجته آن الرفاعي، وما أعقب ذلك من موجة انتقادات واتهامات.
وفي لقاء لها مع برنامج ET بالعربي، أوضحت مايا أن وقوفها إلى جانب دينا كان أمرًا طبيعيًا بالنسبة لها، قائلة: «الدفاع عن دينا الشربيني مش محتاج جرأة… دينا بنت خلوقة وأنا بحبها جدًا وهي زي أختي. أنا ما قلتلهاش إني هتكلم، كانت في التصوير، ولما عرفِت بالليل هي اتفاجئت. أنا ما كنتش مستنية رد فعلها، كنت مستنية الناس تهدى عليها. وأظن إن اللي عملته ساعدها وحسسها إن في ناس بتحبها بجد، لأن الحب أفعال مش كلام».
وعلّقت مايا على الدعوات التي طالبت بمنعها من دخول مصر، مؤكدة احترامها الكبير للشعب المصري: «أنا مغلطش، وعارفة كويس أنا عملت إيه. وباحترم إن الشعب المصري المحترم بيقدر موقفي عشان وقفت جنب صاحبتي. أنا عندي عشق لمصر وشعبها، وانتماء كبير للبلد مش عارفة أوصّفه».
وكانت مايا قد نشرت عبر "إنستغرام" سلسلة رسائل عبر خاصية القصص القصيرة دفاعًا عن دينا الشربيني، ووصفت ما يُتداول بأنه إساءة ممنهجة قائلة: «الموضوع حساس ومؤذي. السوشيال ميديا بقت مكان مفتوح لانتهاك كرامة الناس. مش بس من الذباب الإلكتروني، لكن من أكاونتات رخيصة مخصصة للهجوم على دينا… وهنّ رخيصين زي أصحابهم. وللأسف إحنا بزمن الرخص على السوشيال ميديا».
وتابعت مضيفة: «أنتو تعرفوا جزء صغير من القصة… ما تعرفوش الحقيقة. وأنا بتكلم لأني حاسة إني معنية بالموضوع. أولًا كإنسانة عربية ما بقبل الأذى لفنانة عربية، وثانيًا كأخت لدينا الشربيني… لأنها مش هتتكلم، وأنا هتكلم».
مايا انتقدت أيضًا تداول الأخبار دون تحقّق، قائلة: «المواقع الإخبارية الكبيرة بتنقل الخبر وهي مش عارفة أساسه. أنتم بتكبّروا بشاعة الموضوع أكتر من اللازم. أي ست أو راجل لو حط نفسه مكان دينا أو مكان أهلها مش هيقبل اللي بيحصل. دينا بنت طيبة ومحترمة وجدعة، مش هي بس اللي متضايقة… أهلها والمقربين منها كمان».
وفي المقابل، ردّت الإعلامية بسمة وهبة على تصريحات مايا دياب بهجوم مباشر عبر فيديو متداول، قالت فيه:
«ما تخرسي! ده موضوع يخص المصريين مع بعض… إنتي مالك! إحنا بلدنا، ما تطوليش لسانك علينا. احترمي نفسك بدل ما أهزقِك، والمرة الجاية الدور عليكي».