فاجأت النجمة زينة الإعلامية لميس الحديدي برد صريح حول إمكانية زواجها مستقبلاً، وذلك خلال حوارها في برنامج "الصورة" المذاع عبر قناة النهار.
وقالت زينة: "بصراحة مشفتش رجالة في حياتي وبقيت أقرف منهم شوية… أنا آسفة. طبعًا بحترم كل الرجالة، إخواتي وولادي وأجواز أصحابي وكل النماذج المحترمة. بس أنا واحدة معقدة… سيبوني في حالي".
وتطرقت زينة خلال اللقاء إلى طفولتها، واصفة نفسها بأنها كانت "شقية جدًا"، لكنها في الوقت نفسه قوية، مضيفة: "اللي يعاملني كويس ياخد قلبي".
كما تحدثت عن الشخصيات التي يمكن أن تتقبلها في حياتها قائلة: "ممكن أتقبل شخصيتين… الشاطر العبقري وممكن أستحمل البليد اللي مش شاطر أوي عشان أدبه وأخلاقه. لكن اللي مفيهوش أي صفة من دول… لأ، مش هعرف أتقبله".
وفي ردها على وصفها بأنها "وحش في الاستوديو واللوكيشن"، أكدت زينة أنها بالفعل قوية في مواقع التصوير، قائلة: "أيوه… وحش في اللوكيشن. محدش بيضايقني. بفوت مرة واتنين، وبعد كده لو حصل حاجة… الشخص ده مش هشوفه تاني".
وسألتها لميس الحديدي عن إمكانية العمل مرة أخرى مع ممثل أو مخرج تسبب لها في مضايقات، حتى لو قدم لها عملاً قويًا، فردت زينة بحسم: "مستحيل أشتغل معاهم تاني. ربنا هو اللي بيرزق… والرزق مكتوب، سواء بكرامة أو من غير كرامة".
من جهة أخرى، يُعرض لزينة حاليًا مسلسل "ورد وشوكولاتة" المستوحى من أحداث حقيقية شغلت الرأي العام في مصر، ما يمنح العمل عمقًا ومصداقية درامية. ويشارك في بطولته محمد فراج إلى جانب نخبة من الفنانين، وهو من تأليف محمد رجاء وإخراج محمد العدل، وتدور أحداثه في إطار من الدراما التشويقية المؤثرة.