أعرب الفنان أحمد السقا عن استيائه الشديد من موجة السخرية التي تعرض لها عبر مواقع التواصل الاجتماعي، عقب نشره مقطع فيديو باللغة الإنجليزية وجّه خلاله رسالة إلى إدارة نادي ليفربول دعمًا للنجم المصري محمد صلاح، بعد جلوسه على دكة البدلاء في أكثر من مباراة.
وخلال تصريحاته لبرنامج «الحكاية» الذي يقدمه الإعلامي عمرو أديب، تحدث السقا عن دوافعه وراء الفيديو، قائلًا:
"لقيت الرياضة دخلت في الدين والسياسة، وطبعا خدتني الجلالة وعز الدين أيبك اللي جوايا طلع، عملت فيديو أدعم فيه ابننا محمد صلاح، ووجهت رسالة بالإنجليزية يمكن يكون خاني التعبير، لكن كلمة كوتش صحيحة وعندهم محمد صلاح جوا الملعب كوتش".
وأوضح السقا أن الفيديو الذي نشره باللغة الإنجليزية لم يتم حذفه بقراره، مضيفًا:
"اللي قولته بالإنجليزي قعد 55 دقيقة مش انا اللي مسحته، واستخدمت كلمة ميجا ستار لأن عندهم كدا وبنتقدم عندهم برا كده".
وتابع الفنان حديثه معبرًا عن دهشته من حجم الهجوم الذي تعرض له، قائلًا: "أنا مش مختل عشان أخاطب مجلس إدارة نادي ليفربول، أنا مستغرب من الهجوم والإهانة هو أنا عملت إيه؟! أنا ممكن بكره الصبح أبطل تمثيل وأقطع كارنيه النقابة، لو مش عايزيني إرموني في الزبالة... أنا صفحاتى موجودة على مواقع التواصل لكن عملت (لوج أوت) من كل الحسابات، الله يسامحهم، واللى شاتمنى أنا مسامح، وحقي عند الله، بس ياريت كل واحد يراجع نفسه".
واستكمل السقا حديثه قائلًا: "أنا يتعمل معايا كده ليه .. صعبت عليه نفسي 6 ساعات الواحد اتنشر عرضه، يتعمل معايا كده لي ماشي أنا مش ميجا ستار ولا حاجة، وأقل من أقل أي حد في العالم، الناس طلعت توجهلي إهانة ليه ؟ .. أقل إهانة عقابها 3 سنين سجن، وقسما بالله ما هقدم بلاغات ولا هاذي حد، وأنا مسامح".