تتواصل تداعيات وفاة الراقصة المصرية غزل، التي وافتها المنيّة الأسبوع الماضي.

هذه المرة أعلنت الراقصة المصرية يرديس، التي حقّقت شهرة واسعة اعتزال الرقص نهائياً؛ بسبب صدمتها من وفاة غزل.

وقالت في رسالة لها عبر موقع التواصل الاجتماعي فايسبوك: "لكل حبايبي وإخواتي وأصحابي اللي بيحبولي الخير، أحب أقولكم أنا اعتزلت الرقص الشرقي تماماً، وقرار لا رجعة".

وأضافت: "بجد أد إيه الإنسان لسان في ثانية عند ربنا، وأنا كنت على علم بكده، بس بجد الواحد كان في غفلة قسما بالله إن أوّل مرّة أفقد حد كنت بشوفه قدام عيني من نفس المجال، والله العظيم من يوم سماعي الخبر وأنا مدمرة، وعدم حضوري الجنازة والله العظيم كنت خارج مصر، بس الله يرحمها، وقطع لسان أيّ حد يجيب سيرتها".

وتابعت: "محدش عالم بظروف حد إلاّ ربنا، فالحمد لله ده قراري بجد، وعلى فكرة أنا مش لبسه الحجاب، أنا عايشة حياتي بالتزام، وعايشة سني اللي بيضيع مني في مجال كله ياله نفسي وربنا يديني الخير ويديني الذرية الصالحة.. وأنا مش مسؤولة عن أيّ صفحة تنزّل صور ببدل أو أي فيديوهات، أو أي كليب نزل أو هينزل.. دي حاجات قديمة.. أنا صفحتي دي الشخصية، وأنتو كلكو أصحابي وبحبكم. ربنا يحسن ختامنا، وموت الغفلة، ويهدينا جميعاً".