بسمة وهبي تبكي بسبب ابنها: "ساعدوني"

دخلت الإعلامية بسمة  وهبي في نوبة بكاء خلال بث مباشر عبر حسابها على موقع الصور "انستقرام" بسبب ابنها.

وكان السبب في بكاء وهبي هو عدم تمكّنها من حضور "كتب كتاب" نجلها الذي يحمل الجنسية السعودية ويعيش هناك.

وقالت بسمة وهبي : "مش عارفة أحضر كتب كتاب ابني، وهو في السعودية، ومبيحضروش غير رجالة، وأنا مش قابلة إني أشوف كتب كتاب ابني في فيديو".

وانهارت في البكاء وطلبت من جمهورها مساعدتها في الوصول لحل لحضور كتب كتاب ابنها، وأوضحت في الفيديو: "ابني سعودي وخطيبته سعودية.. هيعملوا كتب الكتاب في السعودية،  والعادات هناك إن حفل كتب الكتاب تكون للرجال ولا يكون بها سيدات.. ولما بتخيل إن ابني هيتكتب كتابه وأنا مش شايفاه بضايق".

وأضافت: "أنا بحترم عادات وتقاليد الشعوب كلها.. بس إزاي ابني يتكتب كتابه وأنا مش موجودة، وقالولي إن أقصى حاجة ممكن أعملهالك إنك تشوفيه بالفيديو، فأنا مش موافقة ولا مبسوطة.. فرحتي كانت هتبقى كبيرة لو عمل كده في مصر بين أهلي وصحابي.. بس ده ابني ودي بلده وعادتهم وتقاليدهم".