أحمد سعد يعتذر عن اراتدائه "حلق" وملابس "شبك": عملت زي البنات

حل الفنان أحمد سعد ضيفاً مع الإعلامي عمرو أديب والنجمة أصالة في برنامج "بيج تايم بودكاست" المذاع عبر قناة MBC، متحدثاً عن إطلالته المثيرة للجدل بـ حلق في أذنه وملابس "شبك"، معترفاً أنه في الفترة الماضية انساق وراء رغبته في مواكبة التريند في مجال الأزياء دون الالتفات لعواقب هذا الأمر، وبالتالي تعرض لموجة كبيرة من الانتقادات.

وقال أحمد سعد خلال: "أنا خرمت ودني ولبست حلق في وقت كانت الدنيا كلها مخرومة".

وأضاف: "لما ابتدت الدنيا تبقى في أحسن حال بفضل الله والأغاني تنجح بدأت أعمل زي باقي الناس، وسافرت إيطاليا وشوفت أعظم إستايليست في ميلانو، وطلبت منه يلبسني أحسن حاجة".

وتابع: "طبعا اللي عملته كان غلط واعتذرت عنه، ولو البنات أحيانا بتعمل أشياء غريبة أنا عملت زي البنات".

أوضح أحمد سعد أنه فوجئ برد فعل الجمهور الفاتر تجاه إطلالته على المسرح بالقميص الشبك قائلا: "الشبك كان تريند، وقلت علشان آخد التريند كله على المفتاح أضرب الحلق، وطلعت على المسرح على أساس إن الفترة القادمة هيعملوا جلاليب شبك، لكن محصلش حاجة".

وكشف أحمد سعد عن أول من انتقد إطلالته الجديدة بقوله: "أول حاجة أم واحد صاحبي كلمتني، وقالت يخرب بيتك إيه اللي عملته ده يا واد، وقلت ست قديمة مش فاهمة الموضة، لكن نزلت لقيت الدنيا مقلوبة".

ووصف أحمد سعد تغير نظرته للتريند بعدها قائلا: "بقى عندي حاجة مهمة، إن التريند مهم لكن الناس هيقولوا عنك إيه".