"محجوز في المستشفى أكثر من 15 يوماً"... عمرو وهبة يتحدث عن مرض ابنه

شكر الفنان عمرو وهبة كل من أبدوا اهتمامهم بحالة ابنه "يحيى" الصحية، بعد أن كشف مؤخراً عن احتجازه في المستشفى لمدة تزيد عن 15 يوماً.

وكتب عمرو عبر حسابه على إنستغرام: "شكرا لكل حد عارف إن يحيى تعبان وسأل أو اتكلم أو كتب كومنت واتصل، بعتذر إني مش عارف على كل الناس عشان بقالي شهر تقريباً بحكي كل يوم كذا مرة للناس والأهل والدكاترة والصحاب، وعامة احنا لسه معرفناش بالضبط إيه المشكلة ولا علاجها".

وتابع: "اللي عارفينه بس، إن مشكلة في المناعة حصلت له بسبب الكوفيد، شكرا لأي حد مهتم، انا عارف وحاسس والله".

وأضاف: "ومن الناحية الطبية، معنا دكاترة محترمة ومهتمة وعاملين اللي عليهم وزيادة، فموضوع ترشيح الدكاترة مشكور طبعاً، بس دي مرحلة عديناها، وهي بس حاجة بتاخد وقت في التشخيص، ونتمنى طبعا مايطلعش في حاجة أصلاً، وربنا يلطف ويخف وخلاص ومش عايز اعرف ايه ده، شكراً لاهتمام اللي كانوا عارفين واهتموا".

وكان عمرو وهبة قد أعلن في بداية ديسمبر عن تعرض ابنه لأزمة صحية مفاجئة، ونشر صورة له مع نجله وهو يتلقى العلاج في المستشفى، وعلق عليها قائلاً: "المستقبل الجيد أحيانًا يحتاج لذكريات سيئة"، موضحاً أنه برفقته في المستشفى منذ 15 يوما بسبب حالته الصحية.