بسمة وهبة تدعم آن الرفاعي: فيه ستات "مقرفة" مش بتحب غير الراجل المتجوز
قدمت الإعلامية بسمة وهبة، الدعم للسيدة آن الرفاعي، ومصممة الأزياء وزوجة الفنان كريم محمد عبد العزيز، وذلك بعد أنباء ارتباطه بالفنانة دينا الشربيني.
وقالت بسمة وهبة في فيديو نشرته عبر خاصية «ستوري» على حسابها الرسمي على «انستغرام»، موجهة حديثها إلى آن الرفاعي: «متتفرجيش على الفيلم مرتين وتفتكري النهاية هتكون مختلفة، المفروض تكوني عارفة أن الرجعة كان ليها مصلحة وانتي عارفة أي المصلحة وخلصت ومعلش في ستات مقرفة مبتحبش غير الحاجة اللي مش بتاعتها مبتحبش إلا الراجل اللي مش بتاعها واللي متجوز».
وتابعت حديثها: «اتفرجي عليهم نهايتهم هتبقى عاملة ازاي عشان ظلموكي.. نجوم مصر كلها حباكي وواقفة معاكي وانتي بنت ناس ومتربية».
من جانبها، حرصت الفنانة مي عمر على دعم آن الرفاعي، ووجهت لها رسالة مؤثرة عبر حسابها الرسمي بموقع «فيس بوك»، قالت فيها: «أنتي الحب الأول يا آن، وأنتي السند الحقيقي اللي كان موجود في كل خطوة من حياته».
وأضافت مي عمر في رسالتها: «أنتي اللي شفتي البدايات، واللي حضرتي النجاح، أنتي أم بناته والضهر اللي رجع له، والبيت اللي بيتفتح له مهما حصل، أنتي الحنية والقوة في نفس الوقت».
واختتمت رسالتها قائلة: «تستاهلي كل الخير اللي جاي يا آن، ولسه قدامك حياة أجمل وأحلى بإذن الله».