شعر بدر بن عبد المحسن
الشاعر بدر بن عبد المحسن من مواليد مدينة الرياض في الثاني من أبريل عام 1949 وهو الابن الثاني لصاحب السمو الملكي الأمير عبد المحسن بن عبد العزيز، وكان والده محباً للعلم والأدب وتأثر به ابنه، درس في مصر وتعرّف إلى كثير من عمالقة الأدب والغناء والشعر، ثم نمت موهبته الأدبية وبدأ بكتابة الشعر، وسنعرفكم هنا على مجموعة أبيات رائعة من شعر بدر بن عبد المحسن.
المحتويات:
قصيدة ما تمنيتك:
يا بعيد وجابك الله .. لين عندي وصلك
ما تمنيتك لأنك .. كنت ابعد من خيالي
ما خطر في بالي مره .. اني ممكن اوصلك
كنت اشوفك مثل نجمٍ .. في السماء ساطع وعالي
يا بعيد وجابك الله .. لين عندي وصلك
جيتني مثل الشروق .. اللي محا عتم الليالي
جيت فرحه للحزين .. اللي من همومه هلك
جيتني وانت يحبك الف محبوبٍ بدالي
سخرك سبحانه اللي في عيوني كملك ..
يا بعيد وجابك الله .. لين عندي وصلك
هو صحيح احنا التقينا؟ هو صحيح انت قبالي؟
هو صحيح اني حبيبك ؟ كان لي حق اسألك ؟
كأنني احلم طلبتك .. خلني هايم لحالي
خلني بالحلم عايش فيه دامي به معك ..
يا بعيد وجابك الله .. لين عندي وصلك
ممتلئ بالحب قلبي .. وغير قلبي قلب مالي
اهدني قلبك حبيبي .. خلني فيه اعشقك
يا بعيد وجابك الله .. لين عندي وصلك
قصيدة أرقام:
في آخر الصفحة .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم مقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحة يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي باسم ..
بلا ملا مح .. أو أسامي ..
ليه كلنا نموت ..
ليه نهمل الجثة ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..
أنا رقم .. اصقه ضرير ..
المشكلة .. مثلي كثير..
يجمعنا حب الهاوية ..
احلامنا .. انا نصير..
وقاماتنا متساوية..
نركض على ورق الحياه ..
لين ننمحي ..
المشكلة مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..
قصيدة آه يالجراح:
لا جيت أنا ب سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذكرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أب ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..
مراجع:
https://www.youtube.com/watch?v=l0AuArFUbRA
https://www.youtube.com/watch?v=YI09SOvpyaw