منه عرفة تعود لزوجها وتوجه رسالة: بلاش نشمت في بعض

كشفت الفنانة منة عرفة عن إنتهاء الخلاف بينها وبين زوجها محمود المهدي وعودتهما سوياً بعد يومين من إعلانه انفصالهما بسبب عملها الفني.

وقالت منه عرفة عبر خاصية الستوري بتطبيق انستغرام:"خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي، اللي ربنا ما يكتبه على أي ست، ما رحمتونيش، ولا قدَّرتوا إني في موقف لا أُحسد عليه، وشمتانين فينا، قد إيه أنتم ناس ما تعرفوش ربنا، ولا في قلوبكم رحمة".

وأضافت منة عرفة :"اتمنوا الخير لبعض يا جماعة، بلاش نشمت في بعض، لكن دي غلطتي أنا، إني شاركتكوا حياتي الشخصية، الإنسان بيغلط عشان يتعلم، وأنا اتعلمت، ربنا يعينكوا على نفسيتكم الجحيم دي، وعسى أن تكرهوا شيئا وهو خير لكم".

واستكملت: "رهان بتعملوه مع بعض على إننا مش هنكمل !، أو مادة خام للشماته فينا، اتقوا الله".

وخلال خاصية الستوري بحسابه بموقع التواصل الاجتماعي إنستغرام، كتب محمود المهدي:"الطب زرع كل حاجة ما عدا الضمير.. للأسف كمية الشماتة في الرسايل تخوف بجد كل واحد بيألف ويتخيل على مزاجه وناس فرحانة وقرايب وأصحاب".

وأضاف: "محدش فرح لما ارتبطنا بالطريقة دي وفي ناس لسه عندها إحساس أنا بشكرهم على رسايلهم هيتم توضيح الأسباب الحقيقية".

واختتم: "ثقة في الله لأهل الطليقة التانية فرحتكم مش هتكمل".

وكانت منة عرفة ومحمود المهدي عقدا قرانها يوم 30 يونيو الماضي، وكان من المقرر أن يتم زفافها قريباً ولكن أعلن المهدي خبر انفصالهما منذ أيام.