هشام عاشور: نيللي كريم ستظل حبيبتي طول العمر

حل بطل الاسكواش هشام عاشور، ضيفاً ببرنامج "تفاصيل" الذي تقدمه نهال طايل عبر شاشة "صدى البلد 2"، متحدثاً  عن أسباب طلاقه من النجمة نيللي كريم.

قال هشام عاشور: كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة".

وأكمل في السياق ذاته: "قررنا ناخد طريقين مختلفين، لكنها هتفضل حبيبتي وصاحبتي، وده كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، مش لازم أن الناس لما تطلق يبقى خلاص كرهوا بعض ومش عايزين يشوفوا بعض".

وأضاف: "كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أودلادها، الولدين أصدقائي، ومافيش الكلام ده".

وانفصلت نيللي كريم عن زوجها هشام عاشور، الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.