زوجة رامي صبري تهاجم ويجز: لما تحب تعمل دعاية لأغنيتك إبعد عن اسم رامي
يبدو أن السيدة شيرين زوجة الفنانة رامي صبري انزعجت من التصريحات الأخيرة لمطرب الراب ويجز، في حق زوجها الفنان رامي صبري، الأمر الذي دفعها للرد على الهجوم الكبير من مطرب الراب.
رد زوجة رامي صبري:
نشرت شيرين جزءًا من حديث رامي عبر حسابها على إنستغرام وكتبت: "ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي اتسأل سؤال في برنامج ورد وعنده كل الصلاحية لأى رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش، وثانياً رامي صبري ده يا حضرت فنان من أهم الفنانين فى الوطن العربى ومن أهم الأصوات، ده لو حضرتك مش معانا في مجال المزيكا، وبعدين والله يا ريت رامى عنده الوقت بتاع حضرتك الفاضى أوى بتاع 5 شهور فاضى يا ريت كنا نتمنى".
وأكملت: "أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاى يهزر".
واختتمت: "وأخيراً لما تحب تعمل دعاية لأغنيتك الجديدة ابعد عن اسم رامي صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك".
رأي رامي صبري في ويجز:
كشف الفنان رامي صبري، قد كشف عن رأيه في أغاني المهرجانات وأغاني الراب.
وقال رامي صبري: «المهرجان مش بيتغنى.. حلو والناس بتحبه وأنا ساعات بسمعه، لكن مش هو ده اللون اللي ممكن أغنيه».
وأوضح صبري، خلال حواره مع الإعلامية أسما إبراهيم ببرنامج «حبر سري»، على شاشة «القاهرة والناس»، أنه ليس له علاقة بالمهرجانات ويرفض غنائه.
أما عن الراب، أشاد رامي صبري بموهبة ويدز ومروان بابلو، وقال: «أوافق أن أشارك في عمل غنائي ثنائي راب مع مروان بابلو وويجز».
وتابع: «ويجز مجتهد وفرض نجاحه وأغانيه معروفه، وجميع مطربي الراب نجحوا وليس هناك أي شخص ضد النجاح، في البداية كنت لا أفهم أغانيه لكنني أسمعها واتفاعل معها».
رد ويجز على رامي صبري:
أعرب مغني الراب ويجز، عن استياءه من تصريحات المطرب رامي صبري بعد حديثه عن أغاني الراب،خلال استضافته ببرنامج «حبر سري» الذي تقدمه المذيعة أسما إبراهيم .
و قال ويجز في فيديو من خلال «ستوري» عبر«انستغرام»:«هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان ده اسمه رامي والفنان ده كل ما بيقعد من 4 لـ 5 شهور يزهق ويطلع يتكلم على بتوع الراب في التليفزيون».
و أضاف: «هتكلم امتي على بتوع البوب اللى أنت منهم واللى في مجالك أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وانت كدة مبتقدرش الفنانين وفاكر أن هما عايزين يوصلولك وهما اصلا معدينك بكتير أنت رقم 19 يا رامي أنت بعيد أوي».