محمد عبد المنصف يتحدث لأول مرة عن الأخيرة مع زوجته لقاء الخميسي
كشف كابتن محمد عبد المنصف، حارس مرمى نادي الزمالك ومنتخب مصر السابق، للمرة الأولى تفاصيل أزمته الأخيرة، وذلك بعد إعلان إحدى الممثلات انفصالهما عقب زواج استمر سبع سنوات، وهو الخبر الذي شكّل صدمة كبيرة لدى الجمهور، خاصة في ظل المعروف عنه أنه متزوج فقط من الفنانة لقاء الخميسي.
وخلال لقائه ببرنامج "اللعيب"، علّق محمد عبد المنصف على الجدل المثار حول حياته الشخصية، مؤكدًا تقبله لكونه شخصية عامة، وقال: "طالما أنت ارتضيت أنك شخصية عامة طبيعي الناس تتكلم عليك ويبقى في نقد أو مدح، أنا من ساعة ما بدأت حياتي مش بتكلم عن أسرتي ودايما بتكلم عن شغلي، الموقف دا خاص ملوش علاقة بشغلي ليه علاقة بحاجات أسرية، ممكن الناس تتكلم أه لكن في الآخر الحاجات دي مع العائلة".
وأضاف موضحًا أن ما حدث يظل شأنًا عائليًا في المقام الأول، مشيرًا إلى إدراكه لطبيعة الخطأ وكيفية التعامل معه داخل نطاق الأسرة، قائلًا:
"عارف الخطأ كان في إيه وفي الآخر الموضوع عائلي إحنا بنقعد ونصارح بعض كأسرة، مش شايف أن الموضوع كان ممكن يكبر زي ما حصل موضوع عادي".
وتحدث عبد المنصف عن أكثر التعليقات التي لفتت انتباهه وأثرت فيه نفسيًا، مشيرًا إلى قسوة بعض الأحكام المتداولة، وقال: "حاجات بتتقال زي إني أنا الخاين والحاجات اللي ملهاش لازمة حسيت أن الناس مش فاهمة حاجة وبتتكلم وخلاص كل حد بيقول حاجة لازم يبص لنفسه الأول وخليك في عيلتك وأسرتك، الناس ساعات بتقول رأيها في حاجات هي متعرفهاش، لكن إحنا عيلة واحدة ومكنتش حابب حد يتكلم في الموضوع دا وعيلتي فهمت الموضوع".
وردًا على سؤال مقدم البرنامج حول ما إذا كان يشعر بأنه أخطأ، أوضح محمد عبد المنصف موقفه قائلًا: "أنا عملت حاجة طبيعية ممكن أي بني آدم يعملها عادي مش مشهور وميبقاش عليه نقد ولا أي حاجة وتفهمت أنا بالنسبة ليا الأهم إزاي أحافظ على الأسرة والعائلة ودا اللي حصل والحمد لله أن الأمور عدت بخير وأتمنى أن الناس تنسى الموضوع لأنه لو في خطأ إحنا كأسرة بنتكلم ونحل، والحمد لله الأمور تمام وبقدر أسرتي جدا والمواقف اللي حصلت ومفيش خلاف، في حاجات بتتفهم وتوصل غلط لكن أهم حاجة إني أنا مش بخاف من البني آدم وبفتح صدري قدام ربنا، لأ أنا بخاف من ربنا والبني آدم بالنسبة ليا شخص زيي ممكن أتكلم معاه وأصارحه عادي، من الناحية الدينية وتربيتنا دي حاجة طبيعية، لكن الجزء الشخصي دا فيه كلام تاني وأحنا بنتكلم فيها كحاجة أسرية".
وفي سياق متصل، كانت الممثلة إيمان الزيدي قد أعلنت انفصالها عن كابتن محمد عبد المنصف، حارس مرمى نادي الزمالك ومنتخب مصر السابق.
ونشرت إيمان الزيدي صورة تجمعها بمحمد عبد المنصف عبر حساباتها على مواقع التواصل الاجتماعي، وعلّقت عليها قائلة: "أعلن انفصالي عن زوجي محمد عبد المنصف بعد زواج شرعي دام أكثر من سبع سنوات".