كشفت الفنانة هنا الزاهد، عن مرضها الذي تعرضت له في شهر العسل بصحبة زوجها أحمد فهمي لأول مرة، مع الإعلامية مني الشاذلي، على شاشة سي بي سي.

وقالت:"روحنا المالديف وكانت جميلة واتبسطنا جدًا .. أحمد كان عاملي مفاجأت وبعدها روحنا سنغافورة .. وانا في الأول مكونتش عارفه احنا رايحين فين .. كنت كويسة اول ما ركبت الطيارة بس اول ما قعدت على الكرسي لاقيت ضهري واجعني وانا عمري ما اشتكيت من ضهري قولت مش مشكلة".

وتابعت قائلة: "أول ما الطيارة طلعت صرخت لدرجة ان المضيفات بقوا يسألوا عن دكاترة فـ الطيارة .. حسيت ان ضهري وبطني بتتقطع واحمد كان بيهديني وسخنت واحمريت ومكنش فيه دكتور .. أحمد افتكر إن جالي تسمم روحنا سنغافورة مكونتش عايزة انكد عليه قولت استحمل شوية بعد ما اخدت مسكنات".

وقالت في نهاية حديثها :"الدكتور قال عندي حصوات على المرارة .. وحجزني في المستشفى 5 أيام وكان لازم نقطع الإجازة ونرجع مصر لإجراء العملية".