أثار الفنان أحمد زاهر جدلا كبيرا، بعد أن انفعل على أحد المعجبين الذين أصروا على التقاط صورة مع ابنته ليلى وهي برفقته.
ونفى النجم أحمد زاهر تدخله لمنع المعجبين من التقاط الصور التذكارية مع ابنته ليلى، وقال معلقا على أزمته الأخيرة مع معجب كان يصر على التقاط الصور معها، أنه لا يرفض تواصل ابنته مع محبيها، ولا يمانع التقاط الصور، ولكن ليس من حق المعجب أن يضع يده على ظهر ابنته.
وأضاف زاهر في تصريحات عبر مداخلة هاتفية لبرنامج "الحكاية" مع الإعلامى عمرو أديب: من حق الجمهور إنه يتصور معايا ومع بنتى علشان هما اللى عملونا فنانين، وعمري ما بكسف حد، ولكن مطلوب الاحترام يعني مينفعش حد يحط إيد على ضهرها قدامي وانا أسكت.
واستكمل: "أنا راجل بخاف على بنتى .. وأى أب فى الموقف ده كان ممكن يضرب الولد.. ولكن عشان أنا قدوة للناس فمينفعش حد يشوفنى بتصرف بالشكل ده، وده من عيوب الشهرة أني لازم أحسب عواقب كل تصرف وكل كلمة".
واختتم مداخلته التليفونية: "بناتي خط أحمر.. وأنا عمرى ما هتكبر على حد، والجمهور له فضل عليا ولكن أنا همشى بجاردات ولا إيه؟!".