أعلنت خبيرة المكياج أسما شريف منير، عن انفصالها بشكل رسمي من الفنان محمود حجازي بعد شائعات كثيرة انتشرت في الأيام الماضية.
وعبر خاصية "ستوري" بعدما حذفت متابعته والصور التي جمعتها بحجازي، كتبت أسما: "ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة ربنا يكرمنا إحنا الاثنين بس كده مفيش أي تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا".
وقبل إعلان الانفصال بساعات، كتبت أسما: "صدمات كتير في حياتي الفترة دي عمالة تحصل والحمد لله أكيد خير طبعًا بس حقيقي من أصعب الفترات اللي عديت بيها ولسه بعدي كذا شخص اتصدمت فيهم ناس قريبة أوي أوي ليا مع إنى عمري ما أذتهم لكن هما أذوني بكل سهولة".
وأضافت: "للأسف البرنامج اللي في رمضان اتلغى وده خارج عن إيدي وغصب عني وكنت متحمسة جدا إنى أخيرا هعمل برنامج في المطبخ لأنه كان من ضمن أحلامي بس أنا عندي ثقة في ربنا إنه هيعوضني خير عن كل حاجة أنا مريت بيها ولسه بمر بيها لأنه عارف نيتى ومطلع على قلبي.. بحبكم جدًا وآسفة إنى طولت عليكم".
وكان آخر ما كتبته أسما لمحمود حجازي احتفالا بعيد زواجهما الثاني يوم 9 سبتمبر 2020، أي قبل حوالي سبعة أشهر، حيث نشرت صورة رومانسية جمعتهما وكتبت: "كل الجوزات فيها حلو ووحش ومشاكل وعشرة وخناقات وحب واختلافات وذكريات ودي السنة التانية وعدينا بكل ده، كل سنة وأنت جوزي ومطلع عيني ومطلعه عينك برضه".