تصدرت الفنانة ليلى أحمد زاهر، محركات البحث غوغل، بعد طرح أولى أغنياتها على طريقة الفيديو كليب "كلمة أخيرة".
وشاركت الفنانة ليلى زاهر متابعيها الصور الأولى من كواليس تصوير الأغنية برفقة مخرج العمل الفنان هشام جمال، ووجهت ليلى رسالة لهشام نشكره على دعمه لها، وأنه السبب في نجاحها، بينما أكد الأخير أن نجاح ليلى بسبب موهبتها فقط.
ليلى نشرت الصور عبر حسابها بموقع إنستغرام، وظهرت فيها بإطلالتها من كليب "كلمة أخيرة" الذي تم طرحه مؤخرا، ووجهت رسالة مباشرة إلى المنتج والمخرج والملحن هشام جمال قالت فيها: "أنا طول عمري بقول إنك دايما بتكون سبب في أي نجاح نجحته أو بنجحه في حياتي بعد ربنا، لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان اخد رأيك كنت مبسوط وفخور بيا جداً لأنك أول واحد وقفني قدام مايك".
وأضافت: "أول لما طلبت منك إنك تخرجلي الكليب ما ترددتش للحظة رغم إنك كنت مشغول قوي ووراك ٣٠٠٠ حاجة ما شاء الله ومع ذلك مقصرتش معايا ولا مع الكليب لحظة وكل حاجة خدت حقها الحمد الله وده يدل على إنك راجل محترف جداً في الشغل وعلى المستوى الإنساني أخويا وأقرب صديق ليا إللى دايماً بيشجعني وفي ظهري".
وتابعت: "شكرًا يا هشام على كل لحظة اديتها للكليب ده من جوه قلبك والحمدلله الرسالة الفنية إللى أنت قدمتها في الكليب وصلت لناس كتير الحمدلله شكرًا يا أجدع وأنضف أخ في الدنيا وربنا يكرمك يارب في كل أعمالك الجاية ويارب دايماً ناجحة".
ورد هشام عليها خلال التعليقات قائلاً: "يا ليلى انتي بتنجحي عشان موهوبة وشاطرة ومحترمة، وهقولك تاني ماشاء الله مفيش بنت عندها ٢٠ سنة ماشاء الله ليها مسلسلها وبرنامجها وبتغني وحققت اللي حققتيه في سنك ده ماشاء الله، وعايزك تبقي عارفه إني اشتغلت كدة عشان كنت مبسوط واحنا شغالين مع بعض ومبسوط أوي باللي وصلناله الحمدلله".
أغنية "كلمة أخيرة" من كلمات محمد حسن وألحان وتوزيع إسلام زكي، وتعتبر أولى أغنيات الفنانة ليلى زاهر بشكل رسمي.