في الأيام الماضية، وتحديداً عبر "تيك توك"، تحدث رواد مواقع التواصل الاجتماعي على ارتداء حور ابنة الفنانة مروة عبد المنعم الحجاب، وتوقف البعض على سبب اعتراض والدتها الفنانة في البداية على ارتداء الحجاب.
وقالت مروة عبد المنعم خلال لقائها في برنامج "البيه والهانم" عبر قناة "القاهرة والناس": "اتفاجئت بقرار "حور" بنتي هي بقالها فترة قبل ما تاخد قرار الحجاب تقف قدام المرايا وتلبس الحجاب وتسألني عن رأيي وأقولها لطيف، بالنسبة لي كانت بتلعب فجأة قررت أنها تلبس الحجاب، اعترضت طبعا لأني عارفة دماغ بنتي لأنها أبعد ما تكون أنها تكون محجبة عاوزاها تتحجب في وقت يكون عندها القناعة".
وتابعت: "حور بتحب الحياة وعايزة تلبس وتعيش وكنت اتخانق معاها وأقولها ده لبس قصير أو لأ ده غلط فجأة قررت والحجاب قرار صعب".
وأكملت: "أنا احترمت قرار بنتي ومعنديش أي مشكلة وبشجعها أنها تفضل محجبة، لكن أنا عارفة بنتي وعارفة إنها متقلبة المزاج لكن أنا مقتنعة إنها لازم تعيش التجربة".
وأكلمت مروة عبد المنعم: "أنا مقتنعة جدا بالحجاب وربنا اللي عالم أنا ليه مش محجبة وده حساب بيني وبين ربنا وفخورة ببنتي أنها لبست الحجاب وأتمنى ربنا يثبتها، وسعيدة بقرارها لكن لو جيه وقت وقررت أنها تقلع الحجاب أنا مش هقف ضدها".
ومروة عبد المنعم وابنتها حور دائما ما تظهران معا في فيديوهات طريفة عبر "تيك توك" حيث تشارك مروة جمهورها يومياتها مع ابنتها.