حلت الفنانة نجلاء بدر ضيفة ببرنامج "Mirror" الذي يقدمه المذيع خالد فرج، تحدثت فيه عن تجربتها القاسية في محاولة الإنجاب، ولفتت إلى أنها خاضت تجربتين قاسيتين من خلال عمليات تلقيح البويضات على مدار عامين كاملين.

وقالت نجلاء بدر: "العمليات دي صعبة جداً، فيها تدخل في الهرمونات ومضاعفات خطيرة، ممكن تسبب سرطان أو طفل مشوه. الدكتور كان بيقولي: مش إنتي عايزة تخلفي؟ خدي ده، رغم إنه ممكن يضرني ويضر الجنين".

وأضافت: "عملت ده مرتين وربنا مش عايز إني أخلف، ناس قالتلي سافروا الهند ودول كتير وخلفوا، بس ربنا مش مقدر إني أخلف".

وأوضحت أن فترة العمليات تزامنت مع مرورها بحالة نفسية صعبة وصلت إلى حد توتر العلاقة مع زوجها آنذاك، قائلة: "كنت عصبية جدا وأقرب للجنون بسبب الأدوية، وطلبت الطلاق. كنت في حالة مش طبيعية، ولكني وجدت دعما كبيرا من شقيقي الأكبر "نادر"، ووقتها قال لي جملة غيرت نظرتي للأمور، وهي: "مين اللي هيخليكي تخلفي؟ ربنا ولا الدكتور؟ حسيت إني اتصفعت بالقلم، وفهمت إن حتى لو حصل حمل فالولادة نفسها بإرادة ربنا مش الدكتور".

وكشفت نجلاء بدر أنها بعد إدراكها ذلك، قررت التوقف بشكل كامل عن العلاج، قائلة "روحت رميت كل الأدوية وتراجعت، وأخويا قاللي: مش يمكن لو خلفتي يبقى ابتلاء مش نعمة؟".

وأكملت: "اتعرض عليا إني أشتري بويضات جاهزة من برة، أروح أختار البويضة ويتاخد السائل المنوي بتاع جوزي. يبقى ابنه من واحدة مش متجوزها. حاولوا يقنعوني إن الزرع في الرحم هيخليني أحس بالأمومة، لكني رفضت رفضاً قاطعاً".

واختتمت:"في النهاية اقتنعت إن الإرادة مش إرادتنا ولا إرادة الطب.. هي إرادة ربنا".