شاركت الفنانة لقاء الخميسي جمهورها منشورًا مطولًا عبر حسابها الرسمي على موقع "إنستجرام"، في أول تعليق صريح لها بعد أزمة طلاق زوجها محمد عبد المنصف.
ونشرت لقاء مقطع فيديو يضم مجموعة صور تجمعها بزوجها وأبنائها، وعلّقت قائلة: "الدنيا بتختبرنا دايمًا وأبدًا، أيام بتسعدنا وأيام تتبعدنا وتزعلنا وتجرحنا، وبنتوه مع نفسنا، الحكمة بتظهر من قلب الحزن، وبنقعد نفكر، إيه الصح وإيه الغلط، وهل اللي عدينا بيه شر ولا خير".
وتابعت: "مع الوقت، ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط، وفي ناس بتغلط وترجع لحكمتها وتتندم وتصحح الخطأ، خطائين وخير الخطائين التوابين، مفيش حد ما بيغلطش، بس القوي الحقيقي بيعترف بالغلط ويرجع لصوابه، ربنا فتحلنا باب المغفرة والسماح".
وأضافت: "شكرًا من قلبي لكل إنسان دعمني ووقف جنبي وطبطب عليا، وشكرًا لكل أصدقائي المقربين اللي وقفوا جنبي، وكل من دعمني من أصدقاء السوشيال ميديا اللي نوروا حياتي بالمحبة وطبطبوا على قلبي ودعولي دعوة حلوة".
وفي ختام رسالتها، وجهت لقاء الخميسي نصيحة للسيدات قائلة: "آخر حاجة هاقولها أسهل حاجة في الدنيا هدم البيوت العمرانة، وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام، كلنا بنغلط، وبنندم ونرجع لصوابنا، ونرجع ببداية جديدة مليانة شغف وحب وسلام وراحة، لكل ست وربة منزل، حافظي على بيتك وعيلتك بكل قواكي وأوعي تدي الفرصة لأي إنسان إنه يهدم بيت العيلة. بحبكم من كل قلبي أصدقائي وعيلتي الكبيرة".
يُذكر أن لقاء الخميسي تشارك حاليًا في بطولة مسلسل "درش"، والمقرر عرضه ضمن موسم دراما رمضان 2026.