تحدث أحمد العوضي عن كواليس مسلسل "علي كلاي"، لافتاً إلى أنه سيفتقد جميع زملاؤه بالعمل".

وعن الأدوار التي يحب تقديمها، قال العوضي: "أكتر دور بحبه ابن البلد الشعبي الجدع وهعمل كدة كمان السنة الجاية"، مشيراًُ إلى نه يفضل أن يدخل في عمل يحب أن يشاهده كل مرة ولا يشعر بالملل.

أما عن متابعته للمسلسلات في شهر رمضان، أكد العوضي أنه لا يتابع أي مسلسلات.

وعن الجدل المثار حول المسلسل الأعلى مشاهدة ورقم واحد، قال العوضي: "الشارع هو الفيصل في النجاح... الناس...  السوشيال ميديا... الترتيب على المنصة رغم إن أنا رقم واحد لكنه مش مقياس، الشاع هو الأهم، كل الممثلين ممكن يطلعوا يقولوا أنا رقم واحد لكن الصناع هما اللي عارفين".

وأكمل: "كل نجم بيخاطب جمهوره والناس اللي بتحبه، كل نجم في عيون الناس اللي بتحبه رقم واحد، لو نجم قال أنا رقم واحد هو بيخاطب جمهوره اللي هو أصلا شايفه رقم واحد، واللي بيحصل على الساحة الفترة دي مش خلافات هي مناوشات أو "نكش" زي ما بيقولوا، من حق كل واحد يقول إنه رقم واحد هو الكلام بفلوس".

وقال العوضي: "اللي بيجذبني في البنت إن عيونها تبقى حلوة وقورتها صغيرة وبتسمع الكلام ودمها خفيف وحنينة، بينما أسوأ صفتين في البنت إن يكون صوتها عالي وعندية".

وتابع: "كل واحدة بتكون حلوة وجميلة في عين اللي بتحبه".

وأكمل: "الراجل هو اللي لازم يصالح الست وبعدين هي تراضيه، أنا مش بياع كلام وملزق، هقول كلام حلو بس مش تلزيق، وأحب البنت تكون رومانسية مش هتبقى عوضي".

وأكد العوضي أن شائعات الزواج المتكررة تسعده، قائلاً: "شائعات الزواج بتبسطني، طالما انت شاغل الدنيا إذاً إنت موجود".

ويشارك أحمد العوضي في ماراثون رمضان الحالي من خلال مسلسل "علي كلاي"، والذي تدور أحداثه حول شاب نال لقب "كلاي" بين جيرانه بفضل براعته الاستثنائية في الملاكمة، ويعمل في تجارة قطع غيار السيارات، محاولاً الموازنة بين خشونة عمله وطموحاته الرياضية.

المسلسل من تأليف محمود حمدان، وإخراج محمد عبدالسلام، ويشارك أحمد العوضي في بطولته كلٌ من: درة، محمد ثروت، عصام السقا، انتصار، ريم سامي، يارا السكري، صفوة، محمود البزاوي، سارة بركة، رحمة محسن، طارق الدسوقي، بسام رجب، وعدد من الوجوه الشابة.