إصابة تامر حسني بكسر في قدمه
كشف الشاعر رمضان محمد عن إصابة الفنان تامر حسني وخضوعه للعلاج منذ فترة دون أن يعلن الأمر للجمهور أو يشارك تفاصيله عبر حساباته الرسمية.
ونشر رمضان محمد صورة لتامر حسني عبر حسابه على موقع "فيسبوك"، وعلق قائلاً: "تامر حسني ده حوار كبير بجد .. بقالنا فترة كبيرة بنتكلم وبنشتغل وعادي جدا نفس حماس وطاقة تيمو اللي بتخلي كل اللي حواليه يجتهدوا ويشتغلوا أكتر، وفجأة النهاردة بكلمه يقولي أنا في المستشفى علشان في كسر في رجلي وبعالجه من فترة، ولا حد يعرف ولا قال ولا اشتكى ولا حب يدي طاقة سلبية للناس اللي بيكلموه، بجد إنسان جميل وفنان جميل وصعب جدا يتكرر وألف سلامة عليك يا تيمو".
من ناحية أخرى، كشف الفنان تامر حسني عن فكرة جديدة يفكر في تنفيذها خلال الفترة المقبلة، وهي إقامة حفل غنائي خاص للأغاني الرومانسية الهادئة على أن يقدمها بصحبة أوركسترا كبيرة، مؤكدًا أنه تلقى الفكرة من تعليق إحدى متابعاته.
وكتب تامر حسني عبر صفحته الرسمية على "فيسبوك": "شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغانيا الرايقة أنا فعلا فكرت يا هالة في كده وكمان إني أوزعها كلها مع أوركسترا كبيرة لأني بجد ببقى كتير نفسي أغني من غير حركة وتنطيط ورايح جاي وهيبرة نفسي أقدملكم حفلة كاملة زي طريقتي لما غنيت نسيانك صعب أكيد، شجعتيني يا هالة والله إيه رأيكم يا شباب ولا كله عايز يتنطط وزحمة وكده".