فيديو... كارمن لبس تكشف عن صور ورسائل حب من الراحل زياد الرحباني بخط يده

شاركت الفنانة كارمن لبس جمهورها مقطع فيديو عبر حساباتها الرسمية على مواقع التواصل الاجتماعي، وجّهت من خلاله رسالة مؤثرة إلى الراحل زياد الرحباني بعد مرور شهرين على وفاته.

وأرفقت لبس الفيديو بعبارة مقتبسة من أغنية السيدة فيروز الشهيرة "عندي ثقة فيك"، التي كتبها ولحّنها زياد الرحباني نفسه، وجاء فيها: «كل الجمل عم تنتهي فيك».

وكشفت كارمن عن صور ورسائل رومانسية من حبيبها الأول زياد الرحباني، كتبها لها، من صندوق ذكرياتها معه.

وفي رسالتها، كشفت كارمن عن مشاعرها العاطفية وما تعيشه من صراع داخلي منذ رحيله، قائلة: «بتعرف بس تعيش وهم إنك سكرت صفحة حبك الأول، وبعدين تكتشف إنو الصفحة بعدها مفتوحة بكل جروحاتا؟ سنين عم قول اتخطيت، بس بنفس الوقت كنت عم إسأل: ليه؟ آخر "ليه" كانت ليه ما بدك تشوفني؟ عرفت بعدين، وبعد ما فات الأوان، إنو ما بدك شوفك بهالحالة، يمكن ما كنت بدك تشوفني وأنا عم شوفك هيك».

وأضافت معبرة عن شوقها له: «اشتقتلك، وعرفت إنك اشتقتلي بس ما قلتلي. قالولي كنت تسأل عني، بس يا ريت سمعتا منك. قلتلك بغيابك فضي البلد، بس وقت إنت رحت حسيت أنا فضيت، حسيت كل شي بقي معلق».

واختتمت لبس كلماتها بمزيج من الحنين والأسى: «في أسئلة ما حدا جاوب عليها، وذكريات ما بتتمحي. كنت إهرب من سيرتك مش لأن ما بدي إياها، بس بخاف حس إنها أحلى سيرة. كل شارع وكل زاوية وكل مطرح بذكرني فيك. حبيتك وبعدني بحبك، وبعدا كل الجمل عم تنتهي فيك».