"سيبوني في حالي"... أنغام تنهار باكية بسبب شيرين عبد الوهاب

خرجت الفنانة المصرية أنغام عن صمتها لترد بقوة على ما وصفته بـ"حملة ظالمة وغير مبررة" تعرضت لها خلال الأيام الماضية، بالتزامن مع الشائعات التي طالتها عقب أزمة الفنانة شيرين عبدالوهاب في مهرجان "موازين" بالمغرب.

وفي مداخلة هاتفية مؤثرة مع برنامج "كلمة أخيرة" الذي تقدمه الإعلامية لميس الحديدي عبر شاشة ON، كشفت أنغام أنها كانت ترقد في المستشفى منذ أيام بسبب وعكة صحية مفاجئة، نافية أي علاقة لها بالأزمة التي شغلت الرأي العام، والتي اتهمت خلالها بأنها "تقف وراء حملة ممنهجة ضد زميلة في الوسط".

حملة ممنهجة وتجريح:
قالت أنغام وهي منهارة في البكاء: "اللي يعرفني كويس عارف إن مش بتاعة مشاكل، ولا عمري سعيت لتشويه حد. لكن اللي حصل الأيام دي تجاوز كل حدود المنطق... تجريح، شتائم، تلميحات، بل وتحريض علني من أشخاص يُفترض أنهم زملاء أو مسؤولين!".

وأضافت: "فيه مواقع كتبت اسمي بشكل مباشر، وفانز فنانة زميلة بيتكلموا وكأن في حملة وأنا وراها. أنا في المستشفى! مين قال إن ليا علاقة بأي حاجة؟!".

نقل أنغام إلى المستشفى:
كشفت أنغام أنها تعرضت لوعكة صحية منذ أيام استدعت نقلها إلى المستشفى، وقالت: "كنت تعبانة جدًا، ودخلت المستشفى السبت اللي فات، وقررت مفيش داعي أقول علشان أرتاح شوية، لكن وأنا على سرير المستشفى لقيت الناس بتشتمني! هو أنا مالي؟!".

وتابعت: "حتى لو مش في المستشفى، برضه أنا مالي؟! تحملت أربع سنين من التلميحات، وسكت. لكن دلوقتي بيتقال إني بتآمر وأقود حملات؟! ده ظلم وعيب".

رسالة أنغام وتهديد بالمقاضاة:

وجّهت أنغام رسالة شديدة اللهجة: "أي شخص هيتجاوز أو يجيب سيرتي ظلم، مش هسكت. أنا بالفعل كسبت قضية ضد شاب اتهمني زورًا، واتحبس. ومش هتردد أكرر ده لو حد تاني تمادى".

وطالبت جمهورها بعدم الزج بها في مقارنات مؤذية، قائلة: "أنا مش عايزة حد يحبني علشان أنا أحسن من حد. حبوني علشاني أنا. المقارنة مش في صالحي ولا في صالح حد. ده أسلوب بيجرح ومش بيكبرني".

رسالة أخيرة من القلب:
اختتمت أنغام مداخلتها بلهجة تأثر واضح قائلة: "كفاية ظلم، كفاية كره، كفاية حقد. أنا تعبت. ربنا هو اللي هيحاسب، ومحدش ليه دعوة بنيتي. كفاية حملات وتشويه".

وأضافت: "شيرين اسم كبير وأنا كمان، كل واحدة ليا جمهورها ومكانتها. خلونا نحترم ده بدل ما نضيع قيمتنا في مقارنات لا تفيد ولا تليق".