أحمد السقا يتحدث عن أزمته بعد الانفصال عن مها الصغير: "26 يوم مش عارف آكل"
كشف الفنان أحمد السقا عن تفاصيل معاناته عقب انفصاله عن زوجته السابقة الإعلامية مها الصغير، مؤكدًا أن الأزمة أثرت عليه نفسيًا وجسديًا بشكل كبير.
وقال السقا خلال ندوة له في موقع "القاهرة 24": "سبحان مبدل القلوب، وارد جدًا تبقى قاعد مع فلان وتاني يوم ميبقاش موجود، لكن أنا ومها متخانقناش ولا شتمنا بعض ولا مدينا إيدينا على بعض".
وأكد تمسكه باحترام زوجته السابقة، موضحًا: "أنا لن أقبل عليها أي كلمة، ولما حد بييجي يكلمني عليها بقوله أسكت عشان مخيطش بوقك.. لأنها أم أولادي ومش هسمح لحد يجيب سيرتها بحاجة".
وبشأن البلاغات التي أثيرت مؤخرًا، علّق السقا: "البلاغات تخص شخص مش هنزل لمستواه، ولو نزلت أكيد ربنا هيكون أرحم عليه مني، فمش هشتبك".
وعن تأثير الأزمة عليه، قال: "الموضوع أثّر عليا جدًا في البداية، قعدت 26 يوم مش عارف آكل ولا أبلع، ووزني نزل جدًا.. كنت مضايق، أصل هتسد بُق 120 مليون إزاي، وبعدين اللي حصل حصل وأنا برة مصر ومش موجود".
واختتم السقا حديثه بالإشارة إلى أنه اضطر في الفترة الأخيرة لتعلم كل ما يخص السوشيال ميديا حتى يستطيع التعامل مع الواقع الجديد.